Mujh Se Bichrey Arsa Beeta

Kafi Arsa Beet Gaya Hai,
Janey Ab Wo Kaisa Hoga …

Waqt Ki Saari Karr’wi Baatain,
Chup Chaap Hi Ab Sehta Hoga …

Ab Bhi Bheegi Barish Mein Wo,
Bin Chatri K Chalta Hoga …

Mujh Se Bichrey Arsa Beeta,
Ab Wo Kiss Se Larta Hoga …

Acha Tha Jo Sath Hi Rehtay,
Baad Mein Us Ne Socha Hoga …

Apnay Dil Ki Sari Batain,
Khud Se Khud Hi Kehta Hoga …

Kafi Arsa Beeta Gaya Hai,
Janey Ab Wo Kaisa Hoga … :(

Mehfil Waha Bhi Thi

Farq Sirf Itna Tha
Us Ki Doli Uthi
Meri Mayyat Uthi

Phool us Par Bhi The
Phool Mujh Par Bhi The

Mehfil Wahan Bhi Thi
Loog Yahan Bhi The

Rona Wahan Bhi Tha
Rona Yahan Bhi Tha

Saheliyan Us Ki Bhi Thi
Dost Mere Bhi The

Kalme us K Bhi Parhe
Kalme Mere Bhi Parhe

Qazi Udhar Bhi Tha
Molvi Idhar Bhi Tha

Wo Sajj k Gayi
Mujhe Sajaya Gya

Wo Uth k Gai
Mujhe Uthaya Gaya

Farq Sirf Itna Tha
Ussey Apnaya Gaya
Aur
Mujhe Dafnaya Gaya.